Da Sun Tzu oda Sūnzǐ (kin. 孫子 / 孙子 „Moasta Sun“, eigentli: 孫武 Sūn Wŭ, * um 544 v. Kr. in Wu oda Qi; † um 496 v. Kr.) wor a kinesischa General, Militärstrateg und Philosoph. Ea is da Autor vom Militea-Traktat "De Kunst vom Kriag", wo ois oans vo de wichtigstn Weake iba Militea-Strategie und -Taktik vo oin Zeitn guit.[1]
Iba sei Lebm is ned vui bekannt. Ea wor jednfois a recht eafoigreicha General, wo an Hauffa Schlochtn gwunna hod. Oana vo seine Nochfoarn, da Sun Bin, wor ebmfois a berihmta Militea-Strateg.